नेपालको उत्पादन विश्व बजारमा पुर्याउनुपर्छ : मन्त्री भण्डारी

काठमाडौं :  उद्योग, वाणिज्य तथा आपूर्ति मन्त्री दामोदर भण्डारीले नेपालको उत्पादन विश्व बजारमा पुर्याउनुपर्ने बताएका छन् ।

सोमबार  नेपाल निर्यात परिषद्को २७ औं बार्षिक साधारण सभा तथा ८ औं निर्यात दिवसको समुद्घाटन समारोह सत्रमा बोल्दै  मन्त्री  भण्डारीले विश्व बजारमा नेपालको उत्पादनको उपस्थिती अत्यन्त दयनिय रहेको बताएका  हुन् ।  

उनले  भने , ‘मुलत, यतिखेर आयात र निर्यात जुन खाडल छ यसले नेपालको उत्पादन, उत्पादकत्व, विश्व बजारमा नेपालको उपस्थिती अत्यन्त दयनिय छ । हामी आयातमुखी बजारबाट जति आक्रान्त भएका छौँ । यसलाई आयात प्रतिस्थापन गर्नुपर्ने, नियार्त प्रवर्धन गनुपर्ने आजको यो व्यवसायीको यो परिषद्को या निजी क्षेत्रको मात्र नभई यो सिंगो राज्यको आजको प्रमुख प्राथमिता हो ।’

साथै  उनले सबैले मिलेर  नेपालको उत्पादन विश्व बजारमा पुर्याउन सकिने बताए। उनले नेपालको उत्पादनलाई प्रर्वधन गर्नु आजको आवश्यकता रहेको बताए ।